紐約客 (已結業)

第一次食<New York Diner>。上次食对面间上海婆婆，经过见到<New York Diner>，今次见到出面有个牌仔话叫一个餐，第二个餐半价，好似几抵，于是入来试下。揾Open Rice，都系有好多赞，影相都大大碟，美国菜都大大碟。但实情系中上小小啦，碟头唔大，无讲到咁好食。龙虾意大利饭 - 半只芝士焗龙虾上，加意大饭，饭入面系半只龙虾肉。味道唔错，饭一粒粒。不过呢个反差好大，同Open Rice入面相差好远，好细碟，龙虾又细，无乜肉，（旧肉就系下面张拆肉相𠮶茌肉仔，仲细过我个尾指）！😞黑松露磨菇意粉 - 上碟时有一pat仔黑松露喺意粉面，捞埋意粉食生色不少，黑松露真系好正。一上枱已经好香，意粉口感刚刚好，又唔会太稀或者太杰，唔错！蕃茄汤 - 唔系磨菇汤，有啲失望。蕃茄汤有啲稀，味道ok嘅。饮品 - 是日精选，柚子水，太稀，无厘味道。