扒王之王 (已結業)

扒王之王呢个名，我细细个就听唔少，因为细个嘅时候成日会同屋企人去食，记忆中嘅扒王系好正嘅。点知大大下发现太子𠮶间一早已经执咗，而家得返沙田呢一间。适逢呢一日去沙田做嘢，见到佢个大招牌，二话不说就入去回味下细个嘅味道。扒王不嬲都好多唔同嘅扒款，基本上想食咩种类都有，以前最钟意食佢个铁板牛柳，但系因为星期六铁板牛柳𠮶个餐比平日贵左成几十蚊，贫穷嘅我觉得唔抵，所以拣咗一个星期六日同平日一样价钱嘅set，感觉上抵啲～自选套餐可以拣一款前菜、餐包、餐汤、仲有甜品同嘢饮。价钱就视乎个主菜拣咩，我就拣咗扒王牛柳伴大虾。先来餐包同餐汤。食过旧式扒房嘅朋友仔应该都知道呢啲扒房嘅白汤同普通嘅忌廉汤系好唔同。系稀得来又有种淡淡忌廉味，系佢哋独有嘅味道。餐包配牛油，暖粒粒，不过不失。前菜我拣咗香煎法式鹅肝，鹅肝煎到好香，虽然细粒左少少，都够摄牙缝嘅～主菜系扒王牛柳伴大虾($165)，只虾偏细少少，系用开边虾嘅做法同埋铺满蒜香，好入味同爽口弹牙。牛扒来讲就保留着以前嘅水准，松软得来有少少咬口，亦都有牛味，系以前嘅味道呀～最后个甜品系芒果芝士饼。呢只芝士饼系出面应该好难揾，一望个样就知系以前传统果种芝士饼做法。依