森巴餐廳 (已結業)

诺士佛台阶有几间新开食肆，我同个朋友见到呢间食法国菜，所以大家都不约而同决定入去。入面成长方形，地方唔算宽，感觉一般，唔会觉得一坐落好舒服。佢分三种唔同价钱的set，头盘同主菜都系menu都任拣，如果唔食set，都可以单叫头盘同主菜的。拣了168蚊个set，有三个头盘、一个汤、三份主菜，同一个甜品。我o地谂住头盘主菜都各三款，两个女仔好细食惊食唔晒，所以只叫了一个share食，原来碟碟都好细，头盘有甜椒鹅肝卷-好细件，真系食唔出有咩味、法式田螺焗薯皮-好细集田螺底下得一件薯皮，切开两份后一啖已经食晒，薯皮都几脆；鸭胸沙律-一般啦!之后有个龙虾汤好鬼咸；等左好耐先送个芝士包(似英王面包的麻薯)。主菜有煎鹅肝-都算唔错，香草羊扒-味道同肉质唔似羊。烟三文鱼天使面-有香芝士同忌廉味但唔会好漏。而甜品系cheesecake，我估系homemake，虽然唔会好浓芝士味，不过口感几滑，可惜又系好细件，佢d set似为数量好多，原来好细份真系够一个人食，后来再散叫焗火焰雪山，每位25蚊，一定要叫两位以上份量，入面层雪榚好正有nuts，而外层蛋白系淡而冇味的。大致上我应为麻麻地，偶一为之。