角落 三二 (已結業)

入大角嘴揾食，朋友推荐一间西式小店。bizi 系澳洲生活过5年，对西式食物都有一定要求。入店内虽不大，但五脏俱全，颇有西方cafe 小店气息，灯光足够，唔会乱搞气氛，专注食物先系最重要。唔好意为店仔细细，但其实一收工就好多客帮衬，好快就满座。好在今日准时收工冲去。先黎前菜沙津，有沙津醋另外上，唔怕味太浓。再黎炸薯条必需一提，热辣辣好香脆，配上茄汁及我最爱的tartar sauce, 感觉返左澳洲咁。（最后挂住主菜，薯条凉晒但仍保持到香脆，劲)橙肉焗猪肋骨非常香，一般出面都系烤猪肋骨，第一次见感觉好新鲜。外面一层锡纸包裹住黎焗，完全锁住肉汁，非常野味。比烤既冇咁油，肉质非常嫩滑。汉堡包系今晚既亮点，面包味香，用料新鲜。汉堡肉应系店内自己打/握制，非常香牛味及鲜嫩，一食难忙。绝对系用心之作。整体系非常满意，小小的店但比高级/有名餐厅做更用心，味道诚意都满分。最重要系以咁既质素，价钱却非常贴地！值得推荐！