東京築地拉麵 (已結業)

迟咗放工睇完戏，原本一早安排要去隔离排队食火锅等唔切喇🙈，好肚饿呀就过咗隔离食。为咗满足我嘅食欲就系咁叫嘢食。呢度个Menu𠮶啲菜名⋯⋯咁就俾佢𠮶个乜鬼嘢仙境沙律卖相吸引左就叫咗。天气热就想食冻野，就叫咗个青柠冷乌冬。想食啲香口野就叫左泡菜饺子鸡翼，见到烧菠萝好开心又叫埋烧菠萝。朋友仔叫咗个筑地牛丼同埋冲绳黑糖竹蔗冰，我就饮芒之恋人。黑糖竹蔗冰普普通通，芒之恋人芒果味唔浓，似落咗芒果糖浆🙄。个沙律嚟咗我O左嘴，图片只供参考😑食过屋企附近间秋月居沙律之后，呢个简直唔入流，炸面嘅size又细，仲要无料嘅🙄啲生果粒粒细粒到呢又少又冇汁。烧菠萝就冇问题，烧完焦糖化咗好甜无渣。泡菜饺子鸡翼鸡翼冇乜肉，辣辣地几香口。筑地牛饭份量好少汁几好味，好快就被朋友食咗都冇影相🙈。青柠冷乌冬比想像中清新，酸酸地几开胃。用滔庭乌冬好滑口，不过都系好细碟食完都唔饱。不过价钱真系好平，都只系二百几蚊。环境就墙上面有啲日本生活嘅的话都几得意，但系去厕所好麻烦，要兜到隔离铺头后门入去。