新昌運茶餐廳

营业中

休息中

商场入面好细间嘅茶餐厅，传统港式嘅装修（唔系而家新兴扮传统玩复古𠮶只）麻雀虽小五脏俱全，有时仲要坐喺电梯底，不过我就冇影相。平时我通常都系去食早餐，沙爹牛肉面肠仔太阳蛋冻柠茶少甜，个沙嗲牛肉面真系几好食。不过听朋友讲佢啲炒粉面都好出色，所以就趁下午茶时间黎试一试。 今次叫左星洲炒米冻柠茶少甜。拎出黎𠮶阵出晒烟香喷喷好有镬气，虽然睇落细细碟，但系都几足料，虾仁叉烧火腿蛋。咖喱味好香，食落有辣嘅感觉又唔会太辣。米粉食落唔系钢线𠮶只，不过我都知有人钟意食钢线。杯柠檬茶都够茶味。