正斗粥麵專家 (國際金融中心商場)

营业中

休息中

老实讲，一上到台嘅时候云吞面嘅云吞真系比预期嘅细粒，但系一咬落去真系一试难忘个汤真系好香虾子同大地鱼味，冇味精但好鲜甜，咸香味刚刚好！因为唔想两个人都要晒碱水面，所以我就叫咗河粉；个人比较喜欢河粉，因为比较软熟，但我都试咗朋友嘅碱水面弹牙唔会太重碱水味，所以唔错。只系食云吞面真系唔够饱，所以我哋要咗个啫啫通菜煲。白通菜佢哋整得几好食，系因为肉碎再加指天椒，好入味好下饭。我本身对食通菜都几有要求，因为有啲通菜个茎真系太硬唔好食，但系呢度嘅有惊喜-有咬口之余系入味嘅。