影片
更多
2020-10-03
617 浏览
朋友介绍所以晏昼就过咗嚟呢间食，舖头唔算大，午膳时间都好full，如果多人呢好似有得book位嘅。佢除咗指定Menu之外仲有午餐嘅Menu，午餐来讲算系好平40几蚊就有，然后仲可以饮咖啡。我好钟意佢杯咖啡除咗佢个样够靓，味道都好出色，好香同好重咖啡味！今次叫咗个忌廉鸡扒意粉，我钟意佢个意粉质地唔会太淋，亦都唔会太硬，喜欢佢个意粉啲汁啱啱好，太多汁就会好得人惊，太少又会太干！但系好可惜嘅一样野系，个鸡扒真系食得岀有雪藏味😢，可能佢哋真系要花多啲功夫处理下，因为都真系几失望。好彩嘅系，我哋另外嗌咗佢哋嘅甜品，个甜品真系好正㗎！最最最好食嘅系个朱古力慕丝，朱古力味浓郁之余，入口又好滑，仲加咗一啲红莓，令到食朱古力唔会好流，中和返个朱古力食多几啖会觉得腻嘅感觉。口感同层次都好丰富！芝士蛋糕好食，虽然表现最普通，但都好有浓郁嘅芝士味。拿破仑都唔错，佢个吉士整得几香！希望下一次佢个鸡扒整好食啲啦!
佢除咗指定Menu之外仲有午餐嘅Menu，午餐来讲算系好平40几蚊就有，然后仲可以饮咖啡。
我好钟意佢杯咖啡除咗佢个样够靓，味道都好出色，好香同好重咖啡味！
今次叫咗个忌廉鸡扒意粉，我钟意佢个意粉质地唔会太淋，亦都唔会太硬，喜欢佢个意粉啲汁啱啱好，太多汁就会好得人惊，太少又会太干！但系好可惜嘅一样野系，个鸡扒真系食得岀有雪藏味😢，可能佢哋真系要花多啲功夫处理下，因为都真系几失望。
好彩嘅系，我哋另外嗌咗佢哋嘅甜品，个甜品真系好正㗎！
最最最好食嘅系个朱古力慕丝，朱古力味浓郁之余，入口又好滑，仲加咗一啲红莓，令到食朱古力唔会好流，中和返个朱古力食多几啖会觉得腻嘅感觉。口感同层次都好丰富！
芝士蛋糕好食，虽然表现最普通，但都好有浓郁嘅芝士味。
拿破仑都唔错，佢个吉士整得几香！
希望下一次佢个鸡扒整好食啲啦!
张贴
