樂意點心

营业中

休息中

尖沙咀有间点心店，真系旺到爆，细细间但出品完全无得输！好彩今日细枱不用等好耐，入到去坐下，见有游客、本地人、街坊、上班族，食客种类多，而且排队人龙不绝。首先试咗佢哋嘅招牌蒸饭——笼仔蒜蓉海虾饭，海虾够鲜，还有虾膏，蒜蓉同饭香味扑鼻。我见枱枱都有一笼蒸饭，好厉害。之后试咗几款蒸点，传统之中带啲创意：龙虾饺金黄外表非常吸引，内馅鲜甜厚肉；芥末鹌鹑蛋烧卖啲芥末唔会过猛，鹌鹑蛋啖啖好味。肠粉方面就试咗香茜牛肉肠粉，未见过咁厚的内馅，牛肉够厚够嫩，香茜味啱啱好。炸点有沙律蟹柳春卷，原来无蟹柳，但有隐藏版虾仁同啲鲜果，沙律酱清新又唔油腻，绝对惊喜！最后仲饮咗佢哋嘅招牌水果茶，用新鲜水果冲，菠萝、橙、蓝莓、苹果、火龙果，再加粒话梅，酸酸甜甜超级解渴，好满足！