影片
更多
2016-12-13
1775 浏览
去开尖沙咀觅食ge朋友都应该知边度系韩国街啦! 餐厅价格有平有贵, 身边好多朋友唔想俾大商场入面d连锁店赚到尽, 都会行多两步去个边食。今日同朋友行到附近见到想食个几间韩国餐厅都有人排队, 大家都唔想等, 所以就继续行睇下有咩食。朋友望过对面见到有间的的骰骰ge拉面店, 就谂住试下。入到去都几钟意个格局, 其实座位唔多, 而且系日式一排过个d居酒屋形式, 行出行入都要借一借过, 不过有晒地道日本feel, 又未至于好逼。我地两个叫左个足利将军拉面, 同埋真田将军拉面。同一兰一样, 有得拣浓/淡, 粗/幼, 软/硬。真田将军拉面即系猪软骨, 店主话系盐味汤底, 同朋友个个黑蒜油汤底相比, 盐味冇咁重口味, 但两个汤都系偏「杰」身同浓郁, 唔似得连锁式猪骨清汤。叉烧脂肪同肉比例都几平均, 唔腻, 不过个人黎讲比较钟意猪软骨, 大大旧而且煮得好腍, 唔系汁煮, 腌到好入味。枱面摆左好多调味料, 第一次食, 同朋友都跟足店主介绍ge食法。鱼油真系有条鱼系入面… 朋友食得津津有味咁, 但我的确有少少吓亲, 所以全程都加隔离个款胡椒油食, 初头唔识野谂住好似辣椒油咁成羹倒入汤调味, 店主见到即刻过
今日同朋友行到附近见到想食个几间韩国餐厅都有人排队, 大家都唔想等, 所以就继续行睇下有咩食。
朋友望过对面见到有间的的骰骰ge拉面店, 就谂住试下。入到去都几钟意个格局, 其实座位唔多, 而且系日式一排过个d居酒屋形式, 行出行入都要借一借过, 不过有晒地道日本feel, 又未至于好逼。
我地两个叫左个足利将军拉面, 同埋真田将军拉面。同一兰一样, 有得拣浓/淡, 粗/幼, 软/硬。真田将军拉面即系猪软骨, 店主话系盐味汤底, 同朋友个个黑蒜油汤底相比, 盐味冇咁重口味, 但两个汤都系偏「杰」身同浓郁, 唔似得连锁式猪骨清汤。
叉烧脂肪同肉比例都几平均, 唔腻, 不过个人黎讲比较钟意猪软骨, 大大旧而且煮得好腍, 唔系汁煮, 腌到好入味。
枱面摆左好多调味料, 第一次食, 同朋友都跟足店主介绍ge食法。鱼油真系有条鱼系入面… 朋友食得津津有味咁, 但我的确有少少吓亲, 所以全程都加隔离个款胡椒油食, 初头唔识野谂住好似辣椒油咁成羹倒入汤调味, 店主见到即刻过黎话应该摆入口咬下胡椒粒食再食面, 朋友同我都以为佢讲笑, 但店主又话「真系冇呃你架」… 咁我地先将胡椒粒加少少油摆落口咬, 以为会好辣唔易咬碎又唔系, 咬到咁上下先食面, 口感几搞笑, 又脆又软咁, 而且个味系几夹。如果唔钟意食太油, 可以净咬胡椒粒, 我觉得味道差唔多。
如果真系想试个胡椒油, 我谂叫盐味汤比较好, 因为浓味汤配浓味野, 个味冇咁出。P.S 店主超级nice, 会撩下客倾计, 感觉真系几日本居酒屋feel!
张贴
