盛八日式燒肉放題店 (已結業)

早前有朋友讲开呢间餐厅话唔错㖞，适逢上星期系妈妈生日成家大细一行十人就订位去了。我们被安排坐入房环境唔错个feel几好。揭开佢哋餐牌入面嘅种类都几多，除咗烧肉我哋仲叫咗煎饼、石头窝饭、炒饭还有一碗叫一枝藏嘅拉面，其实系碗牛柳粒嘅拉面佢布满葱花(我好钟意食葱)，汤底好鲜甜(搅到我成碗饮哂)，D牛粒入口溶化好香牛肉味(惊喜)，D烧肉就叫咗好多唔同嘅口味，其中果味牛胸腹、柚子味猪颈肉、烧汁嘅牛肋骨肉等我都觉得好好，最意外嘅系厚切牛舌，我两个姨甥仔一个11岁一个9岁竟然食到唔停得口食完一碟又一碟，前前后后叫咗4碟呀(有无见过小朋友会钟意食D咁嘢)，不过又真系几正嘅，最后推介盛八肠辣咗少少但好惹味。咪以为坐房无人招呼(一般都好难叫到伙计)，点知成晚都好似有个妹妹系间房外，仲不时入嚟同我哋加茶和换碟tim，整体嚟讲都好满意，唯独是我哋叫咗个盛八沙律漏咗单无嚟。