花朝軒 (已結業)

同友人好久不见特登入嚟西贡聚一聚，谂住食完饭可以海边行下，却不幸地碰上大雨，原本谂住食海鲜嘅计划只好搁置，转阵到就近嘅呢间中式餐厅进餐~因为雨势越下越大， 所以餐厅嘅人数唔多，喺如此古色古香嘅餐厅下进餐，观看著门外嘅微微细雨，原来都别有一番风味！芝士龙虾伊面一上菜就闻到龙虾阵阵嘅芝士香气，虾肉刚刚好离壳，肉质嫩滑爽口，而伊面配芝士汁亦好入味面条仲好有咬口👍🏻 龙虾分量亦够多够大只， 满足晒我哋嘅口瘾😛金沙蛋黄虾包覆著咸蛋黄酱汁嘅虾球香气扑鼻， 连虾壳都炸得脆卜卜可以食！可以一边啜着咸香嘅蛋黄粒，一边品尝爽甜虾肉！食落啖啖肉又唔使剥壳，啱晒我地呢啲懒人食😛蒜蓉炒菜心写明新界蔬菜，又真系几新鲜㖞！ 菜心翠绿有光泽， 而且炒得好有镬气之余口感仲非常爽口！👍🏻西兰花炒带子西兰花同样新鲜，而且同带子一样，煮得啱啱好， 西兰花食落去唔会硬棚棚，带子亦软腍鲜甜，味道相当唔错！