The Recipe (已易手) 新餐厅

圣诞同新年之间，平时啲饭脚都放哂假，惟有食自己。Holiday Mode 唔想同人迫，想揾个静静地嘅地方慢慢享受下个lunch time，行咗去东广场地下呢间既小店，见唔系好多人，就坐低咗...打开menu ，见到都价钱$5x , $6x 起，唔平㖞😅心谂算啦，费时再行，选咗个红酒烩牛肋条饭...(呢间系小店，冇咁多人手，选好之后要自己去买飞，之后比个牌仔你，自己揾个位坐低...)唔知系咪小本经营，人手唔够关系，上菜速度十分慢，五分钟后先上个前菜，重点系前菜好细份，牛油多士似系嘉顿生命面包，牛油又冇咩，2啖已经食哂。个汤又好少，4-5汤羹饮哂，而且味道偏酸😥😥个主菜成20分钟先到，慢得可怜，如果赶时间就唔好试😐 个主菜仍然维持间店嘅特色---细！牛肋条大概得3嚿，个饭也是细得可怜，男仔未必食得饱。幸好嚿牛肋条尚算ok, 煮得几煁，咬落唔黐牙，这个比想像中好。个汁带有少少红酒的果酸，口感，质感都唔错。红萝卜吸收了汁味道，带少少甜酸感。不过份量始终太少，得2,3嚿牛肋条，吃到后段没有肉𩠌饭...整体感觉系细，慢，贵，食物水准还算可以，不过不失。