影片
更多
2008-12-22
77 浏览
今日终于一尝 <鹿鸣春> ！！记得数个月前，本来一家人兴致勃勃计划去呢间饭店同爸爸庆祝生日。但系，早一星期去订位，得来的答覆系：对唔住，呢日o的位己经book晒。一间要两星期前订位的餐厅，咁多客实有佢原因。今次，决定一个月前book定位，为o既就系一试传说中的<鹿鸣春>。我同女朋友六点九己经到o左<鹿鸣春>楼下。第一眼，只系见到一块细小o既招牌，同一个不显眼o既旧唐楼入口，平时经过都唔会望多一眼。经过唐楼入口之后，就见到一条长长而且阴暗o 既楼梯，一副老店的格局。行到上去，见到一个阿叔招呼客人，同其他老店一样，呢度o既侍应都系四五十岁的阿叔，想揾一个女性都难。个阿叔好似记得晒今日边个订o左枱同订几多位咁，我只系讲错o左人数，佢就露出一幅疑惑o既样。之后我更正返，佢就立即带我地去张枱度坐低。一坐底，觉得环境不错。而且亦不算太迫夹。系我地仲视察紧环境个阵。个侍应己经好快咁放低o左两壶茶，同埋放低o左两小碟菜。 花生不错，老妈食得出佢系炒花生唔系焗，入口亦很香口。在上第二道菜前，呢两碟小菜同花生己好快咁比各人扫清光。我地望住个餐牌，唔知系太花多
我同女朋友六点九己经到o左<鹿鸣春>楼下。第一眼，只系见到一块细小o既招牌，同一个不显眼o既旧唐楼入口，平时经过都唔会望多一眼。经过唐楼入口之后，就见到一条长长而且阴暗o 既楼梯，一副老店的格局。行到上去，见到一个阿叔招呼客人，同其他老店一样，呢度o既侍应都系四五十岁的阿叔，想揾一个女性都难。个阿叔好似记得晒今日边个订o左枱同订几多位咁，我只系讲错o左人数，佢就露出一幅疑惑o既样。之后我更正返，佢就立即带我地去张枱度坐低。
一坐底，觉得环境不错。而且亦不算太迫夹。系我地仲视察紧环境个阵。个侍应己经好快咁放低o左两壶茶，同埋放低o左两小碟菜。
花生不错，老妈食得出佢系炒花生唔系焗，入口亦很香口。在上第二道菜前，呢两碟小菜同花生己好快咁比各人扫清光。
我地望住个餐牌，唔知系太花多眼乱，定系惊叫错食物。大家都毫无头绪，最后，都系简简单单咁叫o左个6-8人餐。
头盘有薰蹄、海蜇、素鸭。素鸭好食，中间红色的系红萝卜丝，加上个o的豉油汁，吃起黎好有味同口感。反而薰蹄同海蜇就淡而无味，可能食惯广东烧味店个种，总觉得薰蹄同海蜇应该系要有小小醋味。
清炒河虾。好大碟，份量好足，o的虾弹口。但系始终系河虾，鲜味同虾味总唔够海虾黎。呢味菜系以份量取胜。
砂锅鸡煲翅。呢道菜如果散叫，价值系HKD640。我地六个人，每人都有一大碗满o既翅。虽然一睇就知o的翅唔系好顶级靓翅。但系，每人都有一碗满o既翅，总叫人兴奋。食落，o的翅都ok，而且啲汤好够味，明显系老火汤，真材实料。只鸡就因为己经煲到出晒味，所以食落就得个滑字，淡而无味。但系咁就可以证明，呢锅翅真系火喉十足。而个两个包，就系黎送翅，不过实在太干同无味，最终都系比我地一家人放弃o左。
北京填鸭。亦都系呢度o既招牌菜。师传即场表演，各人食第一口时都一致赞赏。皮连肉，多汁，o的酱十分惹味，唯独块薄饼唔够薄，食两三块己经饱上心头。呢碟北京填鸭真系值回票价。
鲜菇豆苗。因为食得太饱，食太多肉，呢个时候黎碟豆苗真系好似久旱甘露。豆苗将一口肥油清晒，而且冬菇亦都唔系一般货色，食落有菇味同弹口。
椒盐炸桂花鱼。其实炸o左o既肉真系好难食得出佢鲜唔鲜，配上甜酸酱/椒盐，更加会盖过佢o的鲜味。系呢个时候，其实食咁油o既野，真系入到口都唔知系咩味。实在太饱啦~~~~
素菜饺。内有粉丝、木耳、同菜粒。食落新鲜，爽口，加埋o的醋，有o的似小笼饱，但系又无小笼饱咁食落成口肉，唔错唔错。但系略嫌佢唔够汁，如果咬落多返o的汁，会更加好食。
高力豆沙。好滑，唔太甜，味道刚好。豆沙比例好好，唔会太多亦唔会太小。食落有豆沙味，以我呢个唔太钟意食豆沙o既人黎讲，呢o的豆沙唔系太甜又滑，好啱我口味。正！
食埋甜品，最后当然系埋单o既时候啦，今餐系女朋友请(偷笑)。连加一前菜总共系$16xx，每人大约280蚊。而280蚊系出面大约可以食到啲咩，可以去 R66度食一餐半LUNCH BUFFET，KLN SHANGRI-LA一餐LUNCH BUFFET，或者可以去万丽度食个DINNER BUFFET (每人加多廿几蚊啦)。值唔值就好睇个人而定，而我就觉得o的𩠌系中上水准，个翅/填鸭都可以一再回味。但系以咁o既价钱，其实略略有小小贵，可能贵就贵在个份旧风味。
当然，当日只系叫餐，仲未可以试到拔丝香蕉、羊肉、叫化鸡等...
张贴
