養心殿台式養生鍋 (已結業)

今日又翻到嚟我最爱嘅打边炉铺，就系养心殿！又系因为对佢个美人锅念念不忘所以又返咗去食。其实食咁多次，我都冇试过佢个麻辣汤底，今次就终于都叫左嚟试，我地拣左大辣。佢个麻辣汤底会自动帮你追加一份免费鸭血，鸭配麻辣汤底系一流，反而摆落美人锅度食就唔好咁夹。佢个麻辣汤底系会越煲越浓，但其实都唔算太辣。今次个牛就叫左大份，都系好新鲜好滑。仲有个食咁多次都系咁正嘅黑松露丸，净系侍应摆上台个下啲黑松露味都已经出哂嚟，佢嘅黑松露味系浓到放落麻辣汤底都唔会盖过左，真系超好食。仲有呢个系水莲，先其实建议煮几秒就可以食，因为咁样先可以保存着营养价值，但系反而我地觉得草青味太浓，中意煮耐d先好食！养心殿定系食几多次都唔会厌，系一定一定打边炉嘅首选！