阿鴻小吃 (已結業)

阿鸿小吃一直都好想试，每次返工放工都会经过北角那间店，小小的店铺总是排满人龙，究竟有几好食？前日去机场，见到有阿鸿小吃，而且又毋须排队，当然要满足一下好奇心啦。点了几道招牌小菜，有招牌捞面、卤水鹅、麻香鸡脚筋等。坦白讲味道真系唔错，特别系招牌捞面爽口弹牙，而卤水鹅就咁食就好一般，加点醋就带出鹅既鲜味，不过那个猪颈肉并切鸡就麻麻地，尤其是切鸡好「鞋」，而麻香鸡脚筋加海蜇其咖哩味道调较得恰到好处，可惜海蜇就「鞋烚烚」又粗，扣左成碟菜既分数。总结来讲，以 2010 米芝莲 1 星级食肆标准，都尚可以一试，不过如果要我好似北角店咁，要排1个钟至食到，我就唔会咁做。系网上揾到资料，阿鸿小吃其实大有来头，大厨鸿哥镛记出身，专卖卤水及面食等小食，现不开午市以备更多食物，傍晚才开舖。招牌味食：招牌捞面、南乳粗斋、卤水鹅、麻香鸡脚筋、蔡澜捞面。