影片
更多
2013-10-01
1193 浏览
想去Bellini已经有差唔多一年既时间，因为唔系太多港岛food buddies既关系，结果等到同屋企人食生日饭先有机会去。我用tablemap book枱，本来约7:30, 不过佢地打黎话每逢假日晚市分6:30同8:00场，想Book枱既朋友要注意。第二样要注意既系佢地有好多个menu：a la Carte, set dinner, tasting menu (其实只系个头盘劲啲同甜品由Brownie变cheesecake, 唔算真正既tasting menu), 是日精选menu, 成4个咁多，互相有啲非常相似既菜式名，材料应该差唔多，只系煮法稍有不同，令食客睇得几辛苦，个人认为需要揾人执执个menu。北海道带子刺身烩大虾，散叫。牛油汁真系全牛油咁滞，味道较单调。虾有两双，经炭火烧过，味道OK，但新鲜度一般。带子得三粒，比一般食开既带子细只，而 且 碟头盘始终系热既，究意加入带子刺身系咪画蛇添足呢？露笋我冇食到，但师传似乎冇乜心机，切到又长又短咁，如果切到刚好一半既话卖相一定加分！头盘仲加咗个鲜茄蓝青口，数量唔多，五个人分每人大约食两三只。 青口都新鲜，汁可以再杰啲令青口可以沾多
第二样要注意既系佢地有好多个menu：a la Carte, set dinner, tasting menu (其实只系个头盘劲啲同甜品由Brownie变cheesecake, 唔算真正既tasting menu), 是日精选menu, 成4个咁多，互相有啲非常相似既菜式名，材料应该差唔多，只系煮法稍有不同，令食客睇得几辛苦，个人认为需要揾人执执个menu。
北海道带子刺身烩大虾，散叫。牛油汁真系全牛油咁滞，味道较单调。虾有两双，经炭火烧过，味道OK，但新鲜度一般。带子得三粒，比一般食开既带子细只，而 且 碟头盘始终系热既，究意加入带子刺身系咪画蛇添足呢？露笋我冇食到，但师传似乎冇乜心机，切到又长又短咁，如果切到刚好一半既话卖相一定加分！
头盘仲加咗个鲜茄蓝青口，数量唔多，五个人分每人大约食两三只。 青口都新鲜，汁可以再杰啲令青口可以沾多啲汁，而且食o个阵我地冇包冇饭，啲汁沾唔到落青口度就洒左。
龙虾汤单叫$58，跟餐加$38，味道尚算浓郁，质地唔算好稀，虾肉有一两粒，以呢个价钱黎讲算系水准之作！
呢个系跟餐既沙律。唔好以为个沙律系我地食咗几啖先影相，其实佢真系一上菜已经系细到冇朋友！本身个份量已经少得可怜，佢可以选择用个细碗装住，但就偏偏用咗只正常碟装，令本来少既菜显得更少....
因为我唔太钟情甜品，呢排又饮咗好多奶茶，所以冇叫餐，散叫咗呢个大虾鲜茄海鲜意大利饭。虾都系炭烧既，同前菜o个只一样味。海鲜都几多，有蚬、鱿鱼等。意 大利饭应该照港人口味整得较“林”，不过各位食客可以叫佢整硬啲都得。整体味道冇乜惊喜，略赚有少少过咸，鲜茄味不足。
呢个系爸妈跟餐既美国安格斯牛扒同大虾红花忌廉意大利饭。牛扒都算几有肉味，但因为脂肪唔够所以质感较实。个意大利饭就有点失望，味道唔突出之余，亦出现我碟饭一样过咸既情况，而且卖相较普通。我地除咗以上两碟意大利饭，仲叫咗两碟意粉，但每只碟边都一样洒上红花粉，有时唔单止唔衬，亦会令人觉得沉闷，希望餐厅可以改善。
最后上咖啡同茶，我哥同爸都话个咖啡好香好浓郁，值得推介！（我唔饮咖啡所以唔评价了）
整体黎讲食物同服务水平一般，饮既反而令人有惊喜，价位亦都适中。
题外话/补充资料：
逢星期一至四生蚝有半价，有兴趣既朋友都可以去试下！
(以上食记乃用户个人意见 , 并不代表OpenRice之观点。)
张贴
