新志記海鮮飯店 (已結業)

自从半年前来过之后，一直都未有再来帮衬，前几日老婆无煮饭，外出揾食路过这里，老婆话不如入去睇下有无之前两次我好想试但系去到都卖晒无得食嘅「南北杏菜胆炖猪肺汤」。系㖞，都好㖞！于是入去问下。哈！真好，可能天气热，无乜人会饮炖汤啦，又有㖞！坐低即来一个靓白肺汤，再加多个芝士焗计龙虾（伊面底）同西兰花炒带子象拔蚌，来番餐丰富D嘅先。个汤先到，味道不错，落足晒料，有好多猪肺，正！龙虾同小菜随后来到，因为个龙虾唔系逐只秤计数关系，所以个𩠌只系得两只偏细只的开边龙虾，不过个芝士汁同伊面就都几多，食落都几惹味！至于个西兰花炒带子象拔蚌，镬气都几够，味道尚佳，系d带子同象拔蚌细左D咁啦！一轮扫荡之后，食到饱饱，原来临尾仲有个昆布海藻绿豆沙做甜品，咁就完满结朿呢一餐，亦都圆了自己想试呢度个驰名南北杏菜胆炖猪肺汤嘅心愿啦！