小辣椒 (已結業)

上星期五因为要收帖关系，所以同朋友嚟一试....我哋大概未到七点已经坐低，舖内客人唔多，再打开个meal....真系花多眼眼乱...朋友仔一早话要食口水鸡同麻辣饺子，我就要毛三旺同泡椒田鸡，之后再见到 酸辣粉...order埋啦，再叫支大青岛。口水鸡系冷盆，所以好快就嚟，个酱汁浓浓..个味又唔太辣，唔似一般平时食到𠮶啲口水鸡用稀油浸住，不过就冇咗平时食嘅麻香。麻辣饺子我就觉得麻麻啦，个皮好厚又硬，又唔够麻辣香，个馅啲猪肉又冇咩特别...可以话食唔到肉味~~.毛三旺系成晚最麻辣一味，里面有猪红、猪腰、黄鳝、薯粉同大量大豆芽加金菇，本应仲有牛柏叶，不过我同朋友仔都唔太钟意食，所以走咗佢....其实呢个系水煮系列，所以都系一贯同大量辣椒，花椒同红油烹调啦，虽然有麻香，不过个人就钟意再麻啲，辣度就ok啦....味就不过不失啦。黄鳝都有味道，唔似白烚，猪腰略嫌过熟...比较硬。酸辣粉味道酸酸辣辣，好合比例，令人开胃嘅一味。我成晚最欣赏呢个泡椒田鸡，味道好好，十分野味，不过佢用多种辣椒油泡，但系我就一啲都唔觉得辣..好奇怪，个味就好ok啰。田鸡可能都系田蛙size，啖啖肉，值得一赞。而服务就好似一