Cedele (已結業)

之前睇open rice, 见到Cedele 上左top 10, 一直好想试吓佢出名嘅班兰蛋糕，今日终于坐言起行。大约4点唻到，唔太多人，自己揾位坐低后，等左一阵都冇人理我地，我扬手叫人都等左5分钟，终于有侍应比水同餐牌，再等左5分钟先有侍应落单，我地点左班兰蛋糕同green booilos tea. 个茶好快嚟左，蛋糕反而耐d. 杯茶味道几特别，餐牌介绍你冇发酵过嘅茶，冇咖啡因，有relax嘅作用。班兰蛋糕份量唔细，外型都几靓，面头系班兰cream cheese，两层班兰海绵蛋糕夹住咖吷，外层都铺左薄薄班兰cream cheese 同椰丝。第一口，有好浓郁嘅新加坡风味，班兰味同椰子味好劲，个人都几钟意班兰味，不过麻麻地椰子味，件蛋糕嘅椰子味太劲，有点盖过左班兰味，再食多几口，好腻好甜，庆幸我叫左热茶（本身有念过叫热朱古力），杯茶解腻一流，冇左佢一定食唔晒件蛋糕。题外话，依度嘅服务真系有待改善，我食食吓，想叫侍应比杯热水我，我足足等左15分钟，本身接我要求嘅侍应，听完好似无左件事咁，想叫第二个侍应，佢地又好似见你唔到咁，叫极都唔理人。其实餐厅当时冇咩客，都咁样嘅服务，再多人d点算？