深仔記

营业中

休息中

行过深仔记好多次都无入过去食, 记起有次有个朋友话食过油麻地店既云吞、水饺几好食, 今日终于行入去试吓。  既然朋友话云吞水饺好食, 我就叫咗个水饺云吞捞面, 一次过试齐2款, 再加个白灼菜心走油。 个捞面送到黎睇啲面盖住咗啲水饺同云吞, 唔知系咪咁先至算系正宗做法呢。我拨开啲面睇吓, 有3只水饺、4只云吞, 个汤底几好味, 云吞水饺亦唔错, 个面有少少碱水味, 但唔算好重, 面既质感亦唔错。 见到有个下午茶餐牌, 星期一至五下午2点至6点包可口可乐同埋可以$10一碟油菜。佢哋仲有生料卖, 水饺一打$48, 云吞一打$36, 牛丸一打$36, 仲有一样生料唔记得系乜, 下次打边炉买啲食吓先。