米線陣 (已結業)

钟意食米线，常去嘅青衣好似无几间，自从青衣城开咗米线阵，都食过几次，多数食特盛米线，哈哈，乜都有啲好似著数咗咁 其实想试二人餐好耐，但朋友唔钟意食辣，自己又唔想一个人食哂啲小菜，今晚揾钟意食辣O既阿妈陪我食。$148二人餐，有两碗鲜菌肥牛米线，小碟(蒜泥白肉、口水鸡、凉拌青瓜皮蛋)，两杯饮品。仲有另外一款餐可以选。上小菜先，体贴地附上骨碟。蒜泥白肉虽然肥肉多，但由于切得薄，唔钟意肥肉O既我都食得落我，蒜味比想像中弱，唔算辣，都几香，但食多几块会几(漏)。青瓜皮蛋几入味，青瓜脆身，唔会太咸，但皮蛋一人一只，多咗啲。口水鸡，唔够辣，唔够香，无乜鸡肉，但份量都多。一向唔识欣赏酸辣，所以叫咗麻辣，米线份量足，辣味就人人唔同感觉，小辣我就够啦，汤底我一向钟意，唔算太油，肥牛同菇菌都得少少，但睇咗小菜O既份量都平衡到。另外叫咗冰镇奶茶，太兴O既当然好味啲，但冰镇都算系有HEART O既而又有味。终于算系试过二人餐，同相像中差唔多，无想像中辣，而卖相同参考图片差唔多，份量亦够，$148算系抵食，不过对两个人黎食，有小小油腻，下次都系食返特盛就够啦。