鹿角巷 (已結業)

难得星期六一早要出旺角整野，我同朋友1点几左右行过见到鹿角巷竟然唔多人排队，所以就入去买黎试试。这间饮品店比尖沙咀果间大，还有位置俾你影相打卡同埋电话差电!由于之前一直都见到呢间饮品店不论旺角定尖沙咀都好多人，所以未有机会试过。看看餐牌，见到有两款期间限定及热卖饮品，所以跟朋友就点了两杯试试。鹿丸仆喱喱，这款是期间限定来的，内里有黑糖珍珠及厚奶，这里的黑糖珍珠不算好甜，珍珠爽口弹牙，咬口不错!不过饮饮下就觉得杯野有点甜，我饮左一半就无饮了!初恋苹果，这款在餐牌上写上TOP 2，饮落去有淡淡的苹果酸味，像饮紧苹果醋，非常开胃，可解油腻。内里还有芦荟，所以每啖都十分有口感!对于我来说有惊喜呢!总括黎讲，黑糖珍珠饮品对于我来说真系唔系我杯茶，反而生果类的饮品更为我喜欢!如果有机会我会想再试下佢其他冇黑糖或奶的饮品!唔知迟下放工时间会唔会少D人排队呢!