萬華糖水店

营业中

休息中

红磡差馆里呢间万华糖水店书签左好耐，一直未揾到个顺路嘅机会黎试下。喺附近食完晚饭，归家前决定要食埋糖水清爽一番。铺面几大，不过只做外带，所有配料都系放喺眼前，餐牌令我谂起鲜芋仙，主打芋圆，分冰底、仙草冻，配搭多到数唔哂，定价$25-35。亦可自选，芋圆、地瓜圆搭配两种配料就30蚊。配料有红豆、花生、西米、珍珠、绿豆、薏米、芋头、地瓜圆、芋圆、抹茶冻、仙草冻、椰果等，选择丰富芋圆2号冰 $35唔想太烦恼，点左固定配搭。入面有芋圆、地瓜圆、抹茶冻、仙草冻、红豆、珍珠，配黑糖冰底。外带碗比我想像中大，份量都算几多。芋圆、地瓜圆各7粒，各自味道明显，有芋头口感，比较可惜系圆嘅质地偏实净，唔够弹性。珍珠、红豆都系正常野；仙草冻类似豆腐花咁片出黎，冇汁冇酱，仙草冻入口滑溜，有种草本味；反而抹茶冻冇乜期望下又几好食，有茶味拣左黑糖冰底，成碗野原本比较干啃，等佢融化一点食啱啱好。冰底唔会甜腻，黑糖味香。以外卖店黎计，我呢款过三十蚊，价钱小贵，好在份量算多。芋圆如果加强烟韧感，都会系我杯茶。