Todai (已結業)

　　一直以黎都系听身边既人讲有几好食 , 今次真系的起心肝豪返一晚食返餐 , 虽然我本身都唔会带有好大既期望 , 可惜呢度比我既失望感觉太大la...　　冷盘篇 ~ 平时唔食d贵价野既我地都拎左d生蚝同长脚蟹食 , 话哂系呢度既主打纠嘛 , 生蚝的确系唔错 , 好清甜新鲜 , 又唔会有腥味 , 寿司小卷刺身款式好多 , 连海胆同明太子小卷都有得食味道一般 , 但系三文鱼等鱼生刺身极为唔鲜甜 , 放左入口咬左一嗦已经吐返出黎 , 沙律冷盘小食如就不过不失。　　热荤篇 ~ 首先拣左工样比较回本既芝士虾﹑蒸带子同炸带子食先都几好 , 后尾仲好辛苦咁排队拎埋小龙虾 , 不过就麻麻地好食 , 其他热盘都系同平时大同小异 , 旁边有区可以自选材料整意粉 / 汤面 , 烤芝士多士既服务生好好人 , 会提醒每个客人拎左之后要趁热食。　　甜品篇 ~ 好欣赏佢地既甜品全部都系细细件 , 可以试哂咁多都唔怕饱 , 雪糕雪芭又已经勺好一杯杯 , 钟意既话可以叫服务生帮你勺几种味道放系一杯 , 每种味道都好食 , 尤其系桑苺雪芭。　　总括黎讲 , 如果要拣既话唔会再食呢间啰 , 因为真系冇咩特别话好食到要再黎既