巴剎雞飯 (已結業)

今日去左西营盘逛逛睇下有D咩野特别野好食，系高街既酒吧附近，见到一间叫「巴刹鸡饭」既餐厅入到店舖，就发觉摆设似大排档，所以就上网揾揾，原来巴刹系指马来西亚，新加坡和汶莱地区既市场／市集咁解，所以D食物都比较地道，当然店舖就干净企理好多坐好左就望一望个餐牌，虽然餐牌上有几样菜式都想试一试，不过无奈个肚仔食唔到太多野；所以首选梗系巴刹鸡，虽然外表同新加坡既海南鸡饭差不多，不过酱料系有青柠既甜酸酱，甜甜酸酸十分开胃，最重要系成碟巴刹鸡既肉系无红色既血丝，值得一赞同加分；猪手饭既卤水汁亦都好出色，唔会太咸，味道岩岩；然后就系打根皮蛋饺，本身自己唔太钟意皮蛋太大阵味，不过呢碗皮蛋饺就无个阵腥味，反而保留左皮蛋既香味，配埋猪肉饀料，味道一流；之后仲有炭烧沙嗲串，分别有猪牛鸡三种，上菜既时候仲配埋个小型炭烧炉，味道亦都唔错；最后就系南乳脆鸡翼，外皮松脆可口，只系略嫌南乳味唔够；而野饮方面就叫左丹南咖啡同冬瓜茶。整体黎讲食物都好好食，而且座位亦十分阔落，值得再次光临。