吉豚屋吉列豬扒專門店

营业中

休息中

平时去呢度睇医生都会经过呢一间野，有时候仲会见到人排队，今日午餐时间嚟睇医生睇完又觉得肚饿，好啦我入去试吓啦拣咗好耐拣咗个泡菜猪扒锅饭定食，一来唔想食吉列，因为觉得好似好热气，二来想食泡菜成个餐有个汤，𩠌菜，同埋一碗饭，冇叫嘢饮因为要另外加钱。个汤好好饮，佢系萝卜加洋葱加猪肉煮嘅汤，再加miso咁样嘅组合一定鲜甜，虽然我唔知佢有冇加味精，但我学到野啦，将啲菜加肉加Miso煮成嘅汤真系好鲜猪扒泡菜锅，一上枱我觉得好似好健康咁，因为有一半系肉一半系菜。猪系熟嘅，唔会太干，因为有一啲脂肪系侧边，呢个锅最好嘅佢唔系太辣，太辣我食唔到。唯一嘅佢缺点系太油，当你食晒啲生菜你就会见到啲汤汁话好多油饭系珍珠饭留意反呢度有＋1收费仲想讲多样野，假如生菜丝系可以无限免费添加就最好啦由入去食到离开，门口都有条龙喺度排队，有少少明白点解会有咁多人排。