影片
更多
2019-11-10
125 浏览
终于到我食大闸蟹啦 肥妹仔喺英国返嚟，真系好挂住中菜。因为喺英国真系冇啖好食。返到嚟肥妈妈为咗一解我嘅为食口，就同我去食呢一间红楼。咁啱撞正大闸蟹季节，所以我哋今餐就试咗唔同嘅蟹粉菜式。蟹粉拌面 $138我同肥妈每人叫咗一个蟹粉拌面，因为惊唔够饱。佢嘅蟹粉拌面上面全部铺满晒蟹肉同埋蟹膏，超浓嘅蟹味。佢嘅拌面系有似少少似食云吞𠮶只厚版嘅碱水面，但系佢嘅面条就煮到好软淋，再加埋佢哋嘅酱汁，每一条都好嫩滑，捞上蟹粉同蟹肉食，鲜味十足，超好食。蟹粉排翡翠苗 $168健康人生，食饭一定要叫一碟菜。肥妹仔叫咗呢一份翡翠苗，翡翠苗非常新鲜嫩滑， 一啲都冇渣，再拌上无敌嘅蟹粉，真系每一啖都蟹味十足。蟹粉豆腐 $168呢一碟蟹粉豆腐真系送饭必备。肥妹仔真系好后悔冇叫一碗白饭嚟食，因为豆腐嫩滑，再加埋佢嘅蟹粉酱汁，真系非常之鲜同浓味。肥妹仔可以捞一碗白饭嚟食。蟹粉河虾仁 $248肥妹仔仲叫咗呢一个虾仁，因为肥妹仔觉得好想试下佢。佢嘅虾仁好大只，而且粒粒嘅肉质好结实，系新鲜嘅货色，完全唔似雪藏嘅味道 。原来虾同埋蟹系好夹𠮶种味，系你食得出虾仁𠮶种虾嘅鲜味，但系同时蟹粉系一种画龙点睛，重加突出海鲜𠮶种
蟹粉拌面 $138
我同肥妈每人叫咗一个蟹粉拌面，因为惊唔够饱。佢嘅蟹粉拌面上面全部铺满晒蟹肉同埋蟹膏，超浓嘅蟹味。佢嘅拌面系有似少少似食云吞𠮶只厚版嘅碱水面，但系佢嘅面条就煮到好软淋，再加埋佢哋嘅酱汁，每一条都好嫩滑，捞上蟹粉同蟹肉食，鲜味十足，超好食。
蟹粉排翡翠苗 $168
健康人生，食饭一定要叫一碟菜。肥妹仔叫咗呢一份翡翠苗，翡翠苗非常新鲜嫩滑， 一啲都冇渣，再拌上无敌嘅蟹粉，真系每一啖都蟹味十足。
蟹粉豆腐 $168
呢一碟蟹粉豆腐真系送饭必备。肥妹仔真系好后悔冇叫一碗白饭嚟食，因为豆腐嫩滑，再加埋佢嘅蟹粉酱汁，真系非常之鲜同浓味。肥妹仔可以捞一碗白饭嚟食。
蟹粉河虾仁 $248
肥妹仔仲叫咗呢一个虾仁，因为肥妹仔觉得好想试下佢。佢嘅虾仁好大只，而且粒粒嘅肉质好结实，系新鲜嘅货色，完全唔似雪藏嘅味道 。原来虾同埋蟹系好夹𠮶种味，系你食得出虾仁𠮶种虾嘅鲜味，但系同时蟹粉系一种画龙点睛，重加突出海鲜𠮶种鲜味。
呢一餐肥妹仔系食到好满足，好开心。除咗佢嘅菜式好好食之外，最令肥妹仔满足系佢嘅景色超靓。肥妹仔食过咁多间餐厅，都未试过望住 港岛半山嚟食饭，净系畀钱去买呢一个景食饭，肥妹仔都觉得值得。
张贴
