微辣大排檔 (已結業)

主要分咗4个区域 - 港澳渡轮雅座、港铁车厢、娱乐空间麻雀枱、大排档风格旧式冰室，各有特色，好啱打卡。四色搞搞震 （四色猪肉饺子8只）用咗唔同颜色嘅饺子皮包，饺子炸得非常香脆，馅料亦有唔同嘅配搭，其中一个系粟米猪肉饺，粟米同猪肉嘅比例刚好，粟米嘅甜味加埋猪肉嘅香味，层次感丰富。怀旧蟹膏虾多士多士上面虾嘅份量好多，有厚度，鲜虾弹牙配上香脆多士，一直系本人至爱，依家唔系太多地方有得食。旁边嘅蟹膏入口香软细腻，鲜甜微咸，必点！红烧沙田友乳鸽上枱好特别，乳鸽放系一个秤上面，大家第一时间都系打卡。乳鸽表皮炸得非常香脆，仍保持肉汁，肉质嫩滑。腊味滑鸡火山石煲仔饭店员超好服务，会帮你落埋豉油，同埋焗一焗个煲仔饭，最惊喜系底部有香脆焦黄锅巴，后来先知原来微辣大排档云集左米芝莲品牌尝囍。