影片
更多
2017-10-07
1159 浏览
周年纪念日老公话要同我去食好西，今次谂住试 Jamie Oliver 嘅餐厅。呢间餐厅岩岩喺铜锣湾开嘅时候已经好想试。不过香港呢d外国过嚟开嘅餐厅次次都系好多人又好难订枱，慢慢就唔记得左。今次终于喺老公嘅安排之下喺香港有幸食到佢，而香港嘅餐厅佢都有个牌大大只字写住 in Hong Kong，个logo 简单得嚟又表达到个主题。之前去澳洲嘅时候都试过订枱食过一次，环境同埋气氛都唔错，而且佢订枱嘅系统已经好完善，上网click 几下留番d 资料就已经完全，岩晒我地呢d 现代人。香港嘅铺面明显比澳洲𠮶间细d，咁又真系无办法，香港嘅铺租出左名系贵。座位空间好明显比起澳洲窄少少。不过唔紧要，最紧要系食物质素要keep 到。一去到间铺，见到有半边门口围左木板做紧装修，所以入铺头嘅走廊有少少窄。入到去坐低左一阵，闻到有d 油烟味，可能佢因为开放式厨房再加上做紧装修嘅关系，佢嘅油烟唔系好散到。同澳洲嘅餐厅都有d似，呢度嘅灯光调教到暗暗地，即刻好似好有情调咁。睇下呢张相就知呢度有几黑 。言归正传，讲番食物，今次总共叫左3 样食物 -- 香脆鱿鱼、Jamie 意式汉堡以及鲜蟹肉意粉。香脆鱿鱼喺澳洲已经食过
今次终于喺老公嘅安排之下喺香港有幸食到佢，而香港嘅餐厅佢都有个牌大大只字写住 in Hong Kong，个logo 简单得嚟又表达到个主题。
之前去澳洲嘅时候都试过订枱食过一次，环境同埋气氛都唔错，而且佢订枱嘅系统已经好完善，上网click 几下留番d 资料就已经完全，岩晒我地呢d 现代人。
香港嘅铺面明显比澳洲𠮶间细d，咁又真系无办法，香港嘅铺租出左名系贵。座位空间好明显比起澳洲窄少少。不过唔紧要，最紧要系食物质素要keep 到。
一去到间铺，见到有半边门口围左木板做紧装修，所以入铺头嘅走廊有少少窄。入到去坐低左一阵，闻到有d 油烟味，可能佢因为开放式厨房再加上做紧装修嘅关系，佢嘅油烟唔系好散到。
同澳洲嘅餐厅都有d似，呢度嘅灯光调教到暗暗地，即刻好似好有情调咁。睇下呢张相就知呢度有几黑 。
言归正传，讲番食物，今次总共叫左3 样食物 -- 香脆鱿鱼、Jamie 意式汉堡以及鲜蟹肉意粉。
香脆鱿鱼喺澳洲已经食过一次，佢点鱿鱼嘅酱汁系唔错嘅，不过唔知系唔系心理作用，总系觉得澳洲嘅香脆鱿鱼好食d。叫得做香脆鱿鱼，当然要够脆口啦，呢项当然系轻易过关啦。侧边仲放左柠檬可以唧d 柠檬汁上去再点酱一齐食，加左柠檬汁嘅鱿鱼真系会无咁肥腻。
至于另外两道菜我都系未食过，今次又一于试下好唔好食。先上枱嘅系鲜蟹肉意粉，意粉唔会煮到好淋，都几弹牙。意粉上面铺左蟹肉喺面，捞埋一齐食岩岩好。意粉嘅酱汁唔会过多，岩岩好。意粉同平时食开嘅质地有d唔同，佢比较有咬口，唔会淋晒但系又唔会太硬，我几钟意佢只意粉嘅质地。
最后上枱嘅系Jamie 意式汉堡，汉堡配埋薯条一齐上，薯条系幼身嘅薯条，够热同埋脆卜卜嘅。汉堡嘅size比想像中细，汉堡嘅精髓牛肉都算好有份量，而且唔系腌到好咸，味道都唔错。
食物嘅味道都算唔错，而且餐厅都算几有情调。未试过嘅可以试下，不过价钱就贵少少，豪一餐半餐都ok 嘅！
张贴
