珍意泰國菜館 (已結業)

之前已经听闻佢重开，但一直就唔到时间去。相隔五六年，终于找回它的味道。我的娘家在蓝田，由2座街市档到启田地舖，它一直陪著我成长。过往，每星期终会最少食两次。直至6年前珍味盏结业，当时墟冚的情况历历在目。可能是缘份，数月前它们竟在筲箕湾东大街重开，就在我老爷家附近，我知道后开心到弹起，但又有啲怀疑究竟系咪旧班底，食物质素如何。。。今日，趁帮老公拎药俾奶奶后，摄左时间黎呢到。舖位坐落在东大街尾位置，行到门口，看见门口贴著的食物照就认得是它了。下午3点多，客人数目不多，只有三四枱。过黎落单的员工问我是否蓝田客?她竟然认得我，之后仲见到其他旧员工，大家都话认得我，很亲切呢。今日得自己一个人，叫唔到太多野食，净系叫左我嘅favourite 鸭太。原本谂住食咸肉鸭太，但原来果时系下午茶时间，鸭太有优惠，我呢啲师奶，梗系唔蚀底。鸭粉附送几旧猪红，久违了的猪血依然出色，入味嫰滑，一个字"正"。鸭嘅水准依然保持，35蚊一个餐连埋野饮，咁嘅食物质素边度揾。讲开又讲，佢而家嘅汤底，比以前仲做得出色。太子女介绍左两味signature food,海南鸡同猪手。又真系见到好多人都食呢两样，又买外卖，下次坚要试下