阿木台灣麵 (豉油街)

营业中

休息中

今次系第一次黎试阿木台湾面，之前每次经过都见到依到大排长龙，所以每一次都食唔到，今次8点几既时侯见人唔多，决定排队等一等去试下佢嘅味道。系排队既时侯已经不断望住门口特色嘅台湾食品，真系好挂住台湾旅行既感觉。依家只可以靠门口既野食怀念一下。 等左大概20分钟左右终于可以入进去食。就咁睇餐牌每样野都好吸引，简单点左几样野食，红烧牛肉面、肉燥盐酥肉饭、肉松蛋饼、酱油豆苗。红烧牛肉面真系要提一提，佢唔似出面个啲得几旧牛肉，仲要旧旧牛肉都劲大旧，份量好够，仲要好好味。肉燥盐酥肉饭就普通，不过佢啲肉燥就可以再加啲菜莆去食都几特别。肉松蛋饼好好食，肉松同个蛋饼好爽，如果有下次一定要会试埋芝士肉松蛋饼。酱油豆苗都几出色，豆苗无臭青味，整出黎都好味。饮品就叫左蜜桃鸟龙同白桃四季春，如果唔饮得甜，最好就饮蜜桃鸟龙，比较无糖。餐厅整体黎讲，绝对无失望，味道好味，份量又大，值得再次去食。评分味道⭐⭐⭐⭐⭐环境⭐⭐⭐⭐服务⭐⭐⭐⭐⭐卫生⭐⭐⭐⭐抵食⭐⭐⭐⭐⭐食完左之后仲去佢白布街既台湾超市，入面好多台湾土产野食，如果挂住台湾野食，食完野记得去行下。