星級好德來小籠包店

营业中

休息中

之前贪近贪平，系深水埗间上海餐厅食小笼包，但系食物资素下降，小笼包d 肉好梅。旺角好多人食个间小笼包又系差左，又贵份量又小。所以好想揾间好食又正宗嘅上海餐馆。第一次食好德来，我老公话依间开左好耐，老字号，近来搬左入商场。餐厅唔大，6点几黎已经冇乜位净，有d仲订左台。我地系经QR code 落单，见到餐牌食品价钱都唔平，蟹粉小笼包2粒要$70。都要叫返普通个d先。招牌小笼包6粒$78，分左2笼，每笼3粒。夹起唔会穿，皮薄猪肉新鲜，好好食。酸辣云吞汤(有4粒云吞)$75，酸辣汤唔系出面个d重豆瓣酱味，又唔会好浠似水。料好足，饮完唔口干，云吞d肉又系好新鲜。雪菜肉丝炒年糕$108，正正常常嘅一道菜，冇乜挑剔嘅。炸排骨$50，真心好食，成吋厚，唔嚡唔干炸完仲好juicy，个炸皮唔会同旧肉分开，冇加松肉粉有五香粉味。如果想饮茶，就$8位菜茶钱。叫水就应该唔驶钱。总共食左360连加一，感觉d食品新鲜有保证，一分钱一分货，贵得黎系好味唔系俾行货你。