Another Fine Day (已搬遷) 新店位置

写一个人梦幻(haha) Another fine day呢度好耐之前已经见有朋友去过，呢日得闲，系中环行行下突然想去，于是由PMQ一路揾揾揾，终于黎到!其实我经常都一个人去coffee shop，不过一个人去coffee shop然后写封信又真系未试过。当日去到已经5pm左右，冇人，一个人坐哂。叫左一个set，选darjeeling tea。舖头既概念系，都市人应该抽抽时间关心下自己既心灵，所以就会俾信纸我地，写完之后交俾佢，然后一年内既某一日会出现系我地信箱。呢件事好梦幻㖞。品评方面，darjeeling系比较清淡既红茶，觉得吃甜既时候用来中和一下,感觉会不错。至于食物，一人set有6件野。有蛋黄酱三文鱼tart，脆脆地; 磨菇tart就好重奶油同埋葱香; scone有玫瑰味，香口松化; brownie好浓既朱古力味，如果中间既果仁脆d会仲好; daily special柚子jelly，味道清新，但质地有少少实, 面头既cream加左d粒粒食落好似爆炸糖，感觉特别，有d surprise。