蘭度小籠包 (已結業)

用得嚟做店名嘅小笼包果然有质素，一夹起系，皮系薄到可以见到入面有好多汤同馅。个皮好薄好滑，最重要系有汤阿！汤简直系小笼包嘅灵魂，有汤汁绝对系升华咗，我觉得好食过鼎xx，价钱仲相宜好多。另外令我惊喜嘅就系清炖狮子头，以往食嘅狮子头都会好干好难入口，但系呢度嘅狮子头除咗有上汤可以一齐食之外，肉质非常滑嫩，完全无食紧一粒大鱼蛋好求其嘅感觉。入面仲有竹笙，连汤同狮子头三样一齐食，非常丰富，上汤都好出色，带出狮子头嘅鲜味。就咁睇店舖位置好似好远，但系店出面有电车站，喺铜锣湾行完街搭电车过嚟，一落车就到好方便。