譚仔三哥米線 (幸福中心)

营业中

休息中

有时要去尖沙咀做嘢，自己一条友唔知食乜好，多数都系食米线。尖东有间三哥，冬天去𠮶阵时，次次等位都要等成半个钟至九个字，等嘢食就再多三个字，食餐晏要成个半钟😅。前几日去，已经见门口冇太多人，点知原来唔使等位就入得👍。而且上菜快咗好多，效率有所进步。题外话呢间舖啲姐姐几好礼貌。自从有咗砂砂汤底之后，我就冇再食过麻辣，佢其实系沙嗲汤底，味道都几香，不过辣度就好似随心，感觉5小辣同10小辣冇分别。米线少少淋，但可接受。牛肉有几多片，另外仲有只新𩠌，鸭锤$7，佢大小同KFX鸡锤相约，但无乜肉，而且原来系卤水味，我觉得麻麻，唔会再叫。