川粵米線大王 (已結業)

话说，成日听班frd讲话红磡川粤米线大王好正，但由于某些原因次次都无食到，大多数系因为一话食米线就自自然然行咗去谭氏。咁今次咁啱要赶住上堂，又行到嚟红磡，就一于去试试米线大王。差唔多行到去门口，啲呀姐就劲热情咁招徕我地，同我地讲话食米线会送嘢饮，冻柠茶都唔使加3蚊哈哈。门口就摆咗有外卖纸同笔俾客人自动波，见佢选择都大同小异，汤底就有酸辣同麻辣，面底就有米线同红薯粉，𩠌都算多款式。因为佢主打川菜的缘故吧，就多了口水鸡等等川味选择。我个人就唔系好食得辣，就惊啲口水鸡太辣，就保险起见拣咗炸酱猪润米线，汤底就拣微酸辣。我外卖拎走，我见佢都好细心咁分开汤同米线，避免米线浸到发胀。打开个汤底𠮶阵都吓了一跳，因为个汤底太红，同行朋友买了麻辣汤底都无咁红。就担心会唔会都超辣，但食落去都ok，唔会太辣，啱晒啲食开bb辣人士，酸酸地，又几开胃。我见佢炸酱系写 川粤炸酱，我心喃标榜得自己个名啲𩠌，点都唔会太差，结果都没有令到我失望，但也没有太大惊喜，大概是我对它期望太高？不过同行友人就赞不绝口，话好食过谭氏好多。而猪润都几好食，够爽脆同嫩滑，又唔会有好大浸腥味。外卖盛惠34蚊，作为晚餐都叫做系超抵食之选。