百瀧意粉薄餅餐廳 (已結業)

星期五晚约左朋友去佢屋企睇电视,跟住话不如去佢果边食晚饭,因开左好多新餐厅都未食过,朋友就话不如嚟呢间,因为次次见到门口放晒出嚟假的食物样板都好食,但次次都冇机会,今次终于可以入去试下啦.原来这里是百佳咖啡集团的呀,餐牌都好大份及有几份俾你选择,唔想晒时间去谂,咁我地就决定叫两个晚餐一齐食啦,叫左一个烧鸭胸配西冷牛扒(六成熟)配薯菜,另一个系烤羊架(七成熟)配鸡扒配薯菜.先嚟餐汤加餐饱,餐汤系磨菇汤,都好好味呀,d磨菇磨到好好好细粒,又唔会太咸,好香及重磨菇味,餐包系黑糖包嚟架,加些千油一齐食,软淋淋好好味㖞.主菜嚟啦,西冷配鸭胸,鸭胸好味呀,唔系好肥,几香口及淋呀,西冷配些黄芥辣一齐食,好味呀,好juicy,唔算好生.烤羊架配鸡扒配薯菜,羊架配薄荷酱一齐食都系配撘得好好,但唔算太酥,易入口.鸡扒好好味呀,好香脆及d鸡都好滑唔会鞋口呀,薯菜有些萝仔,椰菜,豆,蕃茄,都好丰富㖞.最后是饮品及甜品,饮品我饮热柠茶,淡淡地唔算好浓呀.甜品系豆腐布甸(其实都唔太肯定只系估架),一般啦.