老虎堂黑糖專売 (T.O.P This is Our Place)

营业中

休息中

平时同男朋友行过旺角TOP时都会见到好多人，一直都想买嚟饮，但系又怕排队，所以都无买过。前几日同男友夜晚十点几行过，见到人唔算太多，所以就买左嚟饮啦。我地买左一杯黑糖珍珠和红茶拿铁。因为之前听人讲话老虎堂味道一般，只系饮人气，但我地反而觉得有惊喜㖞，唔知系咪我地预期差，比我地预期好，我地就觉得更好味。男友杯黑糖珍珠几重黑糖味，不过可能因为原味关，都几甜，而且珍珠几多，饮完杯嘢都未食晒珍珠。而我个杯红茶拿铁就有淡淡茶香，而且奶味刚好，不会觉得太奶又或者太涩，加上我走甜，清清地，适合一路行一路慢慢饮。