影片
更多
2017-08-24
380 浏览
又到咗每个月一度嘅纪念饭，由于行开嚟观塘，行咗成个apm后就拣咗apm隔离嘅呢间放题火锅店，贪佢够近嘛~ 好彩我无预约都唔使等位，但入到去就真系全场爆满了~ 这里的格局实在像极钓鱼翁，坐下才知道原来是同一集团来的! 这下我就知道质素应该有保证了! 平时去钓鱼翁都起码要4百蚊落楼，今次$268再收埋加一都系3百蚊有找，仲要有海鲜拼盘、鱼生拼盘、鲍鱼，完全系好吸引到我去食啊~ 唯一挑剔的是饮品选择不多。放题前还有小吃~ 但啱唔啱口胃还是见人见志~ 第一样嚟到嘅系冬菇扣蚝油鲍鱼，虽然细细只，但一样入口烟韧，而且鲍鱼好入味，冬菇够厚肉，呢个前菜真系令人越食越肚饿。呢个就系宣传单张所讲嘅每人一粒至尊水饺皇，点解叫至尊呢? 因为咬开后，有4粒~5粒嘅虾肉系入面，足料到癫~ 其实我想食鸡煲，但系少爷话识食一定系食鸳鸯，虽然我唔知系乜理论，但姑且一试。的确，这里的鸳鸯锅，两个汤底都十分足料，皮蛋芫茜系食哂成餐都仲捞到，沙嗲汤锅并唔系用粉开，真系有料系入面，侍应生仲叮嘱我地要较细啲个火，因为沙嗲比较易㶶。话说我们原不知道这里极级牛颈脊都送，还多叫了一碟，好彩侍应生劲好提一提我地，仲帮我地取消返多叫咗𠮶碟
这里的格局实在像极钓鱼翁，坐下才知道原来是同一集团来的! 这下我就知道质素应该有保证了! 平时去钓鱼翁都起码要4百蚊落楼，今次$268再收埋加一都系3百蚊有找，仲要有海鲜拼盘、鱼生拼盘、鲍鱼，完全系好吸引到我去食啊~
唯一挑剔的是饮品选择不多。
放题前还有小吃~ 但啱唔啱口胃还是见人见志~
第一样嚟到嘅系冬菇扣蚝油鲍鱼，虽然细细只，但一样入口烟韧，而且鲍鱼好入味，冬菇够厚肉，呢个前菜真系令人越食越肚饿。
呢个就系宣传单张所讲嘅每人一粒至尊水饺皇，点解叫至尊呢?
因为咬开后，有4粒~5粒嘅虾肉系入面，足料到癫~
其实我想食鸡煲，但系少爷话识食一定系食鸳鸯，虽然我唔知系乜理论，但姑且一试。的确，这里的鸳鸯锅，两个汤底都十分足料，皮蛋芫茜系食哂成餐都仲捞到，沙嗲汤锅并唔系用粉开，真系有料系入面，侍应生仲叮嘱我地要较细啲个火，因为沙嗲比较易㶶。
话说我们原不知道这里极级牛颈脊都送，还多叫了一碟，好彩侍应生劲好提一提我地，仲帮我地取消返多叫咗𠮶碟，单讲卖相真系排得唔错，而且油脂均匀
讲返味道，未算入口即溶，但系的确系肉味浓厚，而且一啲雪藏味都无，入口满有油香，又有肉味，我用咗嚟送乌冬，真系绝配呢~
我地当然少不了叫咗其他任食配料，一般都系用个黑碟求求其其咁俾一jar我地，点知嚟到个卖相咁靓，我地真系一时三刻都呆一呆，由于我地得两个人，其实咁嘅份量真系够，我唔想负起浪费食物嘅罪名呢~ 
值得一提嘅系午餐肉，我渌咗半个钟，系一啲溶嘅迹象都无，仲系好坚韧，令我觉得佢地食物嘅质料真系唔错! 
多数放题火锅嘅乌冬都系用一包包即食乌冬，呢度竟然用上稻亭，入口烟烟韧韧﹐而且份量仲算几多，应该系想快啲塞饱我地~ 哈哈
我特别欣赏呢度嘅墨鱼丸，卖相同质料完全与同一集团嘅钓鱼翁无异，入口弹牙。
其实之前都知道观塘区啲火锅有苦战，不过我地呢班渔人，系咁抵嘅情况下，真系渔人得利，呢间真系我食过放题火锅入面最好嘅，下次我都会再嚟啊!
张贴
