金叔叔

营业中

休息中

鸿图中心Food court 都系饭堂之一，经常来食晏同晚饭，近日见有间新野叫金叔叔食韩国菜，就黎试下佢。有好多野都来试🤤叫多几款先。⭐板烧牛肉石锅饭店员提醒个锅好热要小心😆轻轻手放辣酱同酱油落去捞混先，配菜系石锅饭常客，有大荳芽、泡菜、菠菜、冬菇片、红萝卜丝等，仲有一只蛋同数片肥牛，份量上唔少。味道够香口，仲有饭焦添，正🤤⭐蜂蜜牛油炸鸡拣左蜂蜜牛油口味炸鸡，呢度用无骨鸡块，啖啖肉好正。蜂蜜牛油虽然系又咸又甜，但夹埋一齐又好好食。呢碟系大size黎，足足有400g鸡，好满足😋⭐雪浓汤朋友话试下雪浓汤，睇韩剧成日见，但实际上又未试过😌入口系浓浓嘅牛肉味，见到有滑牛片、肥牛片同牛展片，饮多几啖有荳芽味，多料味浓郁，配个白饭应该会好正。⭐泡菜芝士馅饼无泡菜煎饼叫就试下泡菜馅饼，夹饼入面系切碎嘅泡菜同芝士🤤酸酸辣辣仲有芝士拉丝，劲好食。⭐可乐 & ⭐乌龙茶饮品有罐装汽水同韩式，仲有支装烧酒，要左无糖可乐同乌龙茶，雪到冰冻正呀。叫得太多超饱呀😂啲野好好食，下次黎试埋其他想食嘅先。