Mega-1 (已結業)

今日落街食饭，行到街口发现呢间餐厅新开左几个月都未帮衬过，见都好似几满座，今日一于同屋企人一齐试下味道。我见呢间美式餐厅装修几整齐，仲有波台打啊。首先食个什菜沙律先啦，沙律菜都好新鲜，有薄薄晚既芝士沟埋一齐食，越食越开胃啊。跟住我就叫左个夏威夷pizza, 味道都几丰富，馅料好正足料既，pizza 饼底够哂脆，厚薄适中。跟住来个烧菇汉堡试下先，我见出面少有，入口味道几浓既香菇味道，甜甜既菇味确系特别，加上汉堡包皮系焗过既，都系有少许脆脆感觉ok，下次我会试下其他味道既汉堡先。