古味坊 (已結業)

哗，终于比我等到啦，几次路过都冇流心咸蛋黄芝士味，今日遇到刚刚出炉，仲有原味同双色原味加绿茶，即刻忍唔住买咗三旧返屋企，同班细路仔一齐食🤤🤤流心咸蛋黄芝士味真系冇令我失望，返到屋企班小朋友一下就食晒，另外𠮶两款就唔俾佢哋食留返做早餐啦。真系好抵买，$50-70大大件，成家人做早餐都够哂😂唯独要睇彩数有边样味道出炉，我前几次都净系买到原味同埋黑糖味👍🏻今次食埋咸蛋黄芝士，就所有味都试过晒啦！我自己最钟意原味古早味蛋糕同埋抹茶古早味蛋糕，因为抹茶味唔甜同埋有浓浓嘅茶香，另外佢嘅古早味蛋糕非常松软，每次买亲小朋友都非常开心，成日都等唔到去第二日早餐都已经俾人食晒🤣🤣