Made in HK Restaurant (已結業)

成日想lunch去APM间Made in HK食但次次都大排长龙，咁梗系唔洗谂都知无可能食倒。所以我特登约朋友仔星期二夜晚去，终于比我食倒你喇!餐厅非常宽敞，而且除了一般座位外更有高台，格外有气氛。我叫左个晚市套餐，盛惠$178，有头盘，有main course同有餐饮，于这种类型的餐厅叫做可接受啦!头盘有沙律同蕃茄汤选择，我就要左沙律。份量比我想像中大，啲菜好新鲜，完全无苦味。但酱汁略嫌过酸，不是太岩我口味，但几开胃嘅。主菜我点了肉眼扒拼大虾配薯菜，卖相不俗，各样𩠌菜都很丰富。肉眼扒虽然不是厚切，但胜在大块，而且牛味浓郁。不过我明明叫medium但比左七成熟我，口感对我而言太硬了。不过大虾倒是诚意之作，除了够大只外，肉质亦好新鲜，配上些许黑椒及酱汁，值得一试。另外仲加左个小食西班牙大蒜虾配多士，好惹味，因为啲虾好大只，沾上浓浓蒜蓉味的热油，非常值得一试呢!餐饮我点了热朱古力，无咩特别嘅正常朱古力味。总括而言，我觉得餐厅表现叫不过不失，环境唔错，可以一试。