小時候 (順欣花園)

营业中

休息中

上星期五无留意佢嘅营业时间，嚟到果阵摸门钉😫，所以今个星期五先嚟呢度食左个鸡蛋仔，之后再去食正餐DINNER。😏鸡蛋仔同格饼有好多款口味，真系好多款都想食🤤，可惜胃得一个，只可以拣2个一齐Share。原味鸡蛋仔$16屋企人平时最常食原味，因为最能食到鸡香。不过呢度嘅鸡蛋仔鸡味唔浓，而且鸡蛋仔偏淋，外脆入软嘅特点完全表现唔到，有点失望。猪柳蛋鸡蛋仔$29价钱唔平，比原味贵成$13，但有惊喜!!😯 估唔到除左加入猪柳粒外，仲有一只完整嘅鸡蛋😮，制成品再夹芝士片，变成左一个少少甜嘅猪柳蛋汉堡🙊 不过鸡蛋仔都系唔脆，如果外脆添口感嘅话应该会更好。