炑八韓烤 (已結業)

唔少女仔都同我一样，因为想皮肤靓而戒食牛肉，不过D friend好鬼衰，次次饭局都丧叫牛肉嚟引诱我，实在太.....过份喇！  今晚黎到呢度，牛肉选择极多，印满成版menu，牛肋骨、牛舌、牛肉眼、牛脸肉、牛颈肉、生牛肉......款款都好想试，真系令人心大心细，最后小女子迫于无奈破戒了！ 朋友们叫左牛舌、牛肉眼同霜降牛小排，特登拣三款口感唔太似既，等食落无咁腻。牛舌应该系用烧烤汁淹过，所以好入味，爽口弹牙，牛味极重。肉眼味道好鲜甜，爆晒油脂好香，员工细心提醒唔好烧得太熟，先会食到最正既肉味。至于牛小排呢......雪花纹好靓好均匀，肉质松化、肉味浓郁，如果要排名次，我会首选牛小排，为左佢破戒一次都值得既！