影片
更多
2024-04-23
13716 浏览
终于有机会嚟到试试六哥推介嘅生啫肥牛～可能大家唔知六哥系边个，喺社交平台search 佢哋个page，话说我都系睇咗佢哋嘅广告慕名而来！好耐未食过鸡煲，星期五约到班老友一齐去试吓～地点都算方便，收工喺旺角东站行过去唔使10分钟。朋友醒目有WhatsApp留定位(一日前问都仲有位)，嚟到嘅时候门口已经好多人。首先，呢度系麻甩佬鸡煲场，如果带埋女性朋友嚟要做好心理准备🧍🏻♂️🧍🏻♂️🧍🏻♂️🧍🏻♂️(女友人真实对白：咁多佬嘅🥲）🌟麻辣鸡煲好快上鸡煲，叫𠮶阵唔记得有冇得拣辣度，不过朋友都食得辣，所以冇理到，唔算好辣，味道还好，虽然无限加鸡，但系只系食咗一转，因为想快啲打边炉😂🌟刺身拼盘上咗鸡煲，之后催咗几次先上。本身都无太大期望，刺身出奇地新鲜，冇雪藏味，食完第二日都冇肚痛👍🏿🌟避风塘海鲜山睇广告片有濑尿虾，但呢度冇，反而有鸡块同鱼柳，虾蟹炒到好脆，肉唔多，味道一般。🌟芥末一口牛好似每台会送一碟，肉质唔错，虽然加咗芥辣，放落鸡煲酱到煮，味道就唔系好出，不过都几好食！🌟肥牛当然唔少得可以生啫嘅肥牛，唔算好肥，几有牛味，唔错！🌟海鲜蒸锅食食吓无端端放咗盘海鲜蒸锅上嚟，啱啱先放前料入去打边炉，搞到
可能大家唔知六哥系边个，喺社交平台search 佢哋个page，话说我都系睇咗佢哋嘅广告慕名而来！
好耐未食过鸡煲，星期五约到班老友一齐去试吓～
地点都算方便，收工喺旺角东站行过去唔使10分钟。
朋友醒目有WhatsApp留定位(一日前问都仲有位)，嚟到嘅时候门口已经好多人。首先，呢度系麻甩佬鸡煲场，如果带埋女性朋友嚟要做好心理准备🧍🏻♂️🧍🏻♂️🧍🏻♂️🧍🏻♂️(女友人真实对白：咁多佬嘅🥲）
🌟麻辣鸡煲
好快上鸡煲，叫𠮶阵唔记得有冇得拣辣度，不过朋友都食得辣，所以冇理到，唔算好辣，味道还好，虽然无限加鸡，但系只系食咗一转，因为想快啲打边炉😂
🌟刺身拼盘
上咗鸡煲，之后催咗几次先上。本身都无太大期望，刺身出奇地新鲜，冇雪藏味，食完第二日都冇肚痛👍🏿
🌟避风塘海鲜山
睇广告片有濑尿虾，但呢度冇，反而有鸡块同鱼柳，虾蟹炒到好脆，肉唔多，味道一般。
🌟芥末一口牛
好似每台会送一碟，肉质唔错，虽然加咗芥辣，放落鸡煲酱到煮，味道就唔系好出，不过都几好食！
🌟肥牛
当然唔少得可以生啫嘅肥牛，唔算好肥，几有牛味，唔错！
🌟海鲜蒸锅
食食吓无端端放咗盘海鲜蒸锅上嚟，啱啱先放前料入去打边炉，搞到有啲措手不及。
所有海鲜用大量蒜蓉蒸煮，有小扇贝、鲍鱼同埋鱼柳，只有蒜蓉味🧄
🌟自助吧
整体环境以鸡煲放题店算系几干净，啲嘢食都算新鲜，蔬菜炸物小食都有大量选择，放题竟然有冰菜？
主打生啤任饮，但上饮品速度极慢，可能我哋一杯杯叫，如果系啤酒tower 就好啲，见隔篱枱换得好密。我哋叫咗3号餐(埋单每人308)，预约有九折，但最咪买单佢冇比到折我，要再同佢讲先有。
最后真系见到六哥本人，个个都同佢打招呼😂
总结会再嚟，叫啤酒tower，人数建议四个，预咗系麻甩佬场(嘈吵属正常)，WhatsApp book位，记得Double check张单，预咗啲嘢要催。
张贴
