阿佳拌麵

营业中

休息中

细个成日去葵涌广场揾嘢食，林林总总。见到呢间阿佳拌面，一于试下呢间台湾美食，解下相思之苦！小食: 贵妃烤鸡卷$22卖相平平无奇的贵妃鸡卷，但原来即叫即炸热辣辣！已经熟透的鸡卷会放在炉边继续保温，慢慢烤至表面带点焦㶶。鸡皮烤到卜卜脆，外脆内软，鸡肉十分嫩滑，一咬落去爆晒汁，好浓鸡肉汁在入面爆开，啖啖肉而且香味十足。呢个面线超级推介！ 蚵仔面线$38 （+$10 大肠） 佢真系同我喺台湾夜市食嘅味道好接近，入边非常足料，蚵仔嘅份量都俾得好慷慨，一定超过十只都好饱满！面条有点粗，面线条条分明唔稀烂，正宗台湾味道啊拌面有多选择，先试一份台酱牛肉拌面$38呢个面底我拣咗原味，个面好弹牙，牛肉肉质松软配埋啲台酱牛肉真系冇得顶！重点食物又够热，吃完不会有令胃涨的感觉。贵妃鸡拌面$38鸡肉鲜嫩，鸡皮包住嫩滑鸡肉，肉质十分细嫩唔肥腻。烤烘出嚟嘅鸡肉鲜嫩，肉汁锁得实，不肥腻又不邪恶。丰富的台湾味道和种类是香港比较少有的，价钱都正常唔算太贵，ＣＰ值劲高！不坊试试呢间阿佳拌面，止一止怀念台湾之感觉。