當文歷餅店 by Dominique Ansel (已結業)

每次经过尖沙咀海港城嘅分店 都会忍唔住走去望吓个Menu 每次都系大部份款式售罄😉今次路经中环时 突然发现呢间排队甜品店喺呢度新开 又唔使排队 咁梗系要入去试吓啦🍰🍫🧁叫咗一杯招牌嘅热朱古力 店员会提醒你手机要ready 因为当棉花糖放落朱古力嘅一刻 棉花糖就会绽放成为一朵小花 望住佢绽放真系觉得好神奇😂😂😂 热朱古力有少少苦味 超级浓最钟意饮热奶茶嘅我哋 见到有黑白淡奶造型嘅甜品 冇理由唔试嘅🙋🏻‍♀️ 海盐味唔太突出 反而焦糖存在感太强 冇对比之下 味道太甜 但系打卡影相一流📸花生造型嘅系沙嗲牛肉包 好香浓嘅花生味 沙嗲酱汁浓厚 咸甜咸甜配合得很好 只系入面嘅牛肉有啲太碎 切嘅时候好容易跌晒出嚟👉🏻👈🏻价钱偏贵 但系考虑到店舖地点 如果想揾个地方饮杯嘢同朋友倾吓计 呢度都系唔错嘅选择🤗