利苑酒家 (已結業)

好多年前屋企人已经话想试利苑，不过因为各种嘅原因一直都未食到，今日终于食到喇！排骨个味道好香，有别于一般酒楼嘅蒸排骨，比其他更香，肉质更鲜，同埋算太多骨。煎芋头糕，我净系食左一啖，因为太大阵五香味，我唔钟意。不过屋企人就话都好好味，比其他酒楼好。不过价钱就比较贵，唔算好抵食。肠粉十分嫩滑，就算无馅料都觉得好好味。珍珠鸡蒸得过左火，惗左啲，不过胜在本身个味道好好，好香，又不腻，所以食落都好正。呢个价钱都会再嗌嘅，唔算贵其他酒楼好多。最正最好味嘅包，平时太多都系以叉烧作馅料，今次一咬开竟然系我最钟意嘅奶皇馅。外脆内软，十分之好味，奶皇味唔会太腻，个包好软熟。我觉得呢个价钱都ok嘅，至少出面少有，加上坚好味。呢个蜂巢芋盒炸得好香脆，馅料都好新鲜。不过以呢个价钱就唔算十分抵食，食过另一间酒楼又平又好味。呢个葱油饼炸得好香脆，好好味，一啲都唔腻。整体而言，虽然利苑都有少少贵，不过食物质素不错，如果饮午茶嘅可以去试。不过平时我饮开下午茶就少啲机会去。